Verkefnastjóri nýbyggingarverkefna

Umhverfis- og skipulagssvið leitar að drífandi einstaklingi í stöðu verkefnastjóra byggingarverkefna. Verkefnin krefjast mikillar þverfaglegrar samvinnu bæði innan fagsviða Reykjavíkurborgar sem og annarra hagsmunaaðila.

Deildin gerir frumathugun og þarfagreiningu á verkefnum, og heldur utan um hönnun og framkvæmdir á nýbyggingum, viðbyggingum og endurgerð fasteigna Reykjavíkurborgar.

Starfið er fjölbreytt og krefjandi í faglegu starfsumhverfi þar sem áhersla er á þverfaglega teymisvinnu og virðingu fyrir umhverfinu.

Helstu verkefni og ábyrgð

• Umsjón og eftirfylgni með undirbúningi, hönnun og framkvæmdum byggingaverkefna
• Verkefnastjórn, skipulagning og stjórnun verkefna.
• Samskipti og samráð við notendur og hagsmunaaðila, íbúa, ráðgjafa, stofnanir innan og utan borgarkerfisins
• Gerð sviðmynda- og þarfagreininga, kostnaðar, tíma- og framkvæmdaáætlana.
• Rýni hönnunar- og útboðsgagna og umsjón og eftirfylgni með vinnu hönnuða og ráðgjafa
• Samskipti/samráð við íbúa, hagsmunaðila, ráðgjafa, stofnanir, nefndir og ráð, skrifstofur og deildir innan og utan borgarkerfis um framkvæmdir einstakra verkefna.
• Fylgist með að samþykktar forsendur fyrir framkvæmdum liggi fyrir svo sem aðal- og deiliskipulag, umhverfismat, samþykktir nefnda og ráða og almennar leyfisveitingar t.d. framkvæmdaleyfi, byggingaleyfi, heimild frá lögreglu o.þ.h.
• Upplýsingamiðlun innan og utan borgarkerfisins

Menntunar- og hæfniskröfur

• Háskólamenntun sem nýtist í starfi, s.s. arkitektúr, verkfræði, tæknifræði, byggingarfræði, skipulagsfræðum. Framhaldsmenntun tengd málaflokki æskileg.
• Samskiptahæfni sem miðar að því að starfa í hóp og verkefnateymum vegna umfangsmikilla skipulagsverkefna.
• Lausnamiðuð hugsun, frumkvæði og sjálfstæð vinnubrögð.
• Haldbær reynsla af starfssviðinu kostur.
• Skipulögð og fagleg vinnubrögð.
• Hæfni til framsetningar og greiningar á flóknum gögnum og miðlun upplýsinga í ræðu og riti.
• Góð almenn tölvukunnátta og þekking á algengum skrifstofu-, hönnunar- og teikniforritum.
• Íslenskukunnátta B2-C1 samkvæmt samevrópskum tungumálaramma og enskukunnátta C1.
• Starf verkefnastjóra er fjölbreytt og spennandi starf í faglegu starfsumhverfi þar sem áhersla er á teymisvinnu, góða þjónustu og virðingu fyrir umhverfinu.
• Um er að ræða framtíðarstarf og er æskilegt að starfsmaður geti hafið störf sem fyrst.
• Launakjör eru samkvæmt kjarasamningi Reykjavíkurborgar og hlutaðeigandi kjarafélags.
• Nánari upplýsingar um starfið veitir Gréta Þórsdóttir Björnsson með því að senda tölvupóst á
• Umsóknarfrestur er til og með 25. ágúst 2025.